(1)

“ħiter tal-post b’bojler”, li qed jissejjaħ “bojler” għall-għanijiet tal-Figuri 1 sa 4 fl-Anness IV, tfisser ħiter tal-post li jipproduċi s-sħana billi juża l-proċess ta’ kombustjoni tal-fjuwils fossili u/jew tal-fjuwils tal-bijomassa u/jew billi juża l-effett “Joule” fl-elementi tat-tisħin permezz ta’ reżistenza elettrika;

(2)

“ħiter ikkombinat b’bojler”, li qed jissejjaħ “bojler” għall-għanijiet tal-Figuri 1 sa 4 fl-Anness IV, tfisser ħiter tal-post b’bojler li jkun iddisinjat b’mod li jipprovdi wkoll is-sħana sabiex iwassal ilma għax-xorb jew sanitarju sħun b’temperaturi, kwantitajiet u rati tal-fluss speċifiċi waqt intervalli speċifiċi u li jkun imqabbad ma’ provvista esterna ta’ ilma sanitarju jew għax-xorb;

(3)

“ħiter tal-post b’pompa tas-sħana”, li qed jissejjaħ “pompa tas-sħana” għall-għanijiet tal-Figuri 1 u 3 fl-Anness IV, tfisser ħiter tal-post li juża s-sħana ambjentali li tkun ġejja minn sors tal-arja, sors tal-ilma jew sors tal-art, u/jew is-sħana sekondarja biex jipproduċi s-sħana; ħiter tal-post b’pompa tas-sħana jista’ jkun mgħammar b’ħiter supplimentari wieħed jew iktar li juża l-effett “Joule” fl-elementi tat-tisħin permezz ta’ reżistenza elettrika jew il-proċess ta’ kombustjoni tal-fjuwils fossili u/jew tal-fjuwils tal-bijomassa;

(4)

“ħiter ikkombinat b’pompa tas-sħana”, li qed jissejjaħ “pompa tas-sħana” għall-għanijiet tal-Figuri 1 u 3 fl-Anness IV, tfisser ħiter tal-post b’pompa tas-sħana li jkun iddisinjat b’mod li jipprovdi wkoll is-sħana sabiex iwassal ilma għax-xorb jew sanitarju sħun b’temperaturi, kwantitajiet u rati tal-fluss speċifiċi waqt intervalli speċifiċi u li jkun imqabbad ma’ provvista esterna ta’ ilma sanitarju jew għax-xorb;

(5)

“ħiter supplimentari” tfisser ħiter mhux preferenzjali li jipproduċi s-sħana f’każijiet fejn id-domanda għat-tisħin tkun ikbar mill-potenza termika nominali tal-ħiter preferenzjali;

(6)

“potenza termika nominali tal-ħiter supplimentari” (Psup) tfisser il-potenza termika ddikjarata ta’ ħiter supplimentari meta dan ikun qed isaħħan post u, jekk ikun applikabbli, meta dan ikun qed isaħħan l-ilma bil-kundizzjonijiet nominali standard, mogħtija f’kW; jekk il-ħiter supplimentari jkun ħiter tal-post b’pompa tas-sħana jew ħiter ikkombinat b’pompa tas-sħana, il-kundizzjoni nominali standard sabiex tiġi stabbilita l-potenza termika nominali tal-ħiter supplimentari hija t-temperatura ta’ barra, Tj = + 7 °C;

(7)

“temperatura ta’ barra” (Tj ) tfisser it-temperatura tal-arja ta’ barra b’termometru niexef, mogħtija fi gradi Celsius; l-umdità relattiva tista’ tintwera billi tingħata t-temperatura korrispondenti b’termometru umdu;

(8)

“konsum annwali tal-enerġija” (QHE ) tfisser il-konsum annwali tal-enerġija ta’ ħiter meħtieġ sabiex it-tisħin tal-post jissodisfa d-domanda annwali ta’ referenza għat-tisħin għal staġun tat-tisħin speċifikat, mogħti f’kWh f’termini tal-enerġija finali u/jew f’GJ f’termini tal-GCV;

(9)

“modalità Stennija” tfisser kundizzjoni li fiha l-ħiter ikun imqabbad mal-mejnijiet, ikun jiddependi fuq l-enerġija li tkun ġejja mill-mejnijiet biex jaħdem kif suppost u jkun jipprovdi biss il-funzjonijiet li ġejjin, li jistgħu jdumu għaddejjin għal tul taż-żmien mhux definit: funzjoni ta’ riattivazzjoni jew funzjoni ta’ riattivazzjoni u indikazzjoni li din il-funzjoni reġgħet ġiet attivata biss u/jew turija tat-tagħrif jew tal-istat;

(10)

“konsum tal-enerġija fil-modalità Stennija” (PSB ) tfisser il-konsum tal-enerġija ta’ ħiter li jkun fil-modalità Stennija, mogħti f’kW;

(11)

“il-koeffiċjent ta’ konverżjoni” (CC) tfisser koeffiċjent li jirrifletti l-medja tal-effiċjenza tal-ġenerazzjoni tal-UE, stmata bħala 40 %, imsemmija fid-Direttiva 2012/27/UE tal-Parlament Ewropew u tal-Kunsill (1); il-valur tal-koeffiċjent ta’ konverżjoni huwa ta’: CC = 2.5;

(12)

“valur kalorifiku gross” (GCV) tfisser l-ammont totali ta’ sħana rrilaxxat minn unità ta’ fjuwil meta din tinħaraq kompletament bl-ossiġnu u meta l-prodotti tal-kombustjoni jerġgħu jinġiebu fit-temperatura ambjentali; din il-kwantità tinkludi s-sħana tal-kondensazzjoni ta’ kwalunkwe fwar tal-ilma li jkun hemm fil-fjuwil u tal-fwar tal-ilma ffurmat mill-ħruq ta’ kwalunkwe idroġenu li jkun hemm fil-fjuwil;

(13)

“l-effiċjenza enerġetika staġonali tat-tisħin tal-post fil-modalità attiva” (ηson ) tfisser

(14)

“l-effiċjenza utli” (η) tfisser il-proporzjon tal-produzzjoni tas-sħana utli meta mqabbel mal-kontribut totali tal-enerġija ta’ ħiter tal-post b’bojler, ta’ ħiter ikkombinat b’bojler jew ta’ ħiter tal-post b’koġenerazzjoni, mogħti bħala perċentwali, fejn il-kontribut totali tal-enerġija jingħata f’termini tal-GCV u/jew f’termini tal-enerġija finali mmultiplikata bil-valur ta’ CC;

(15)

“il-produzzjoni tas-sħana utli” (P) tfisser il-potenza termika ta’ ħiter tal-post b’bojler, ta’ ħiter ikkombinat b’bojler jew ta’ ħiter tal-post b’koġenerazzjoni, trażmessa lill-fluwidu trasportatur tas-sħana, mogħtija f’kW;

(16)

“l-effiċjenza elettrika” (ηel ) tfisser il-proporzjon tal-elettriku li jkun qed jiġi prodott meta mqabbel mal-kontribut totali tal-enerġija ta’ ħiter tal-post b’koġenerazzjoni, mogħti bħala perċentwali, fejn il-kontribut totali tal-enerġija jingħata f’termini tal-GCV u/jew f’termini tal-enerġija finali mmultiplikata bil-valur ta’ CC;

(17)

“konsum tal-enerġija tal-berner tat-tqabbid” (Pign ) tfisser il-konsum tal-enerġija ta’ berner li jkun maħsub biex iqabbad il-berner prinċipali, mogħti f’W f’termini tal-GCV;

(18)

“bojler li juża l-kondensazzjoni” tfisser ħiter tal-post b’bojler jew ħiter ikkombinat b’bojler li fih, fil-kundizzjonijiet operattivi normali u f’temperaturi tal-ilma partikulari tal-operat, parti mill-fwar tal-ilma fil-prodotti tal-kombustjoni jispiċċa kkondensat, sabiex is-sħana latenti ta’ dan il-fwar tal-ilma tintuża għall-għanijiet tat-tisħin;

(19)

“konsum tal-elettriku awżiljarju” tfisser l-ammont annwali ta’ elettriku meħtieġ għat-tħaddim ippjanat ta’ ħiter tal-post b’bojler, ħiter ikkombinat b’bojler jew ħiter tal-post b’koġenerazzjoni, ikkalkulat mill-konsum tal-elettriku meta jkun hemm tagħbija sħiħa (elmax) u tagħbija parzjali (elmin), fil-modalità Stennija u waqt il-ħinijiet normali tal-operat f’kull modalità, u mogħti f’kWh f’termini tal-enerġija finali;

(20)

“telf ta’ sħana fil-modalità Stennija” (Pstby ) tfisser it-telf tas-sħana ta’ ħiter tal-post b’bojler, ta’ ħiter ikkombinat b’bojler jew ta’ ħiter tal-post b’koġenerazzjoni f’modalitajiet ta’ operazzjoni mingħajr domanda għat-tisħin, mogħti f’kW;

(21)

“koeffiċjent nominali tal-prestazzjoni” (COPrated ) jew “proporzjon nominali tal-enerġija primarja” (PERrated ) ifissru l-kapaċità termika ddikjarata, mogħtija f’kW, diviża bil-kontribut tal-enerġija, mogħti f’kW f’termini tal-GCV u/jew f’kW f’termini tal-enerġija finali mmultiplikata bil-valur ta’ CC, għat-tisħin ipprovdut f’kundizzjonijiet nominali standard;

(22)

“kundizzjonijiet ta’ referenza tad-disinn” tfisser il-kombinazzjoni tat-temperatura ta’ referenza tad-disinn, tat-temperatura bivalenti massima u tat-temperatura massima tal-limitu tat-tħaddim, kif stabbilit fit-Tabella 10 tal-Anness VII;

(23)

“temperatura ta’ referenza tad-disinn” (Tdesignh) tfisser it-temperatura ta’ barra, mogħtija fi gradi Celsius, kif stabbilita fit-Tabella 10 tal-Anness VII, li fiha l-proporzjon tat-tagħbija parzjali jkun ta’ 1;

(24)

“il-proporzjon tat-tagħbija parzjali” (pl(Tj)) tfisser it-temperatura ta’ barra mnaqqsa b’16-il °C u diviża bit-temperatura ta’ referenza tad-disinn imnaqqsa b’16-il °C;

(25)

“staġun tat-tisħin” tfisser sett ta’ kundizzjonijiet operattivi għall-kundizzjonijiet klimatiċi medji u iksaħ u isħan, li jiddeskrivu, għal kull intervall ta’ temperaturi, il-kombinazzjoni ta’ temperaturi ta’ barra mal-għadd ta’ sigħat li matulhom ikun hemm dawk it-temperaturi waqt kull staġun;

(26)

“intervall ta’ temperaturi” (binj ) tfisser kombinazzjoni ta’ temperatura ta’ barra mas-sigħat tal-intervall ta’ temperaturi, kif stabbilit fit-Tabella 12 tal-Anness VII;

(27)

“sigħat tal-intervall ta’ temperaturi” (Hj ) tfisser is-sigħat kull staġun tat-tisħin, mogħtija f’sigħat fis-sena, li matulhom ikun hemm temperatura ta’ barra partikulari għal kull intervall ta’ temperaturi, kif stabbilit fit-Tabella 12 tal-Anness VII;

(28)

“tagħbija parzjali għat-tisħin” (Ph(Tj)) tfisser it-tagħbija tat-tisħin f’temperatura speċifika ta’ barra, ikkalkulata bħala t-tagħbija tad-disinn immultiplikata bil-proporzjon tat-tagħbija parzjali u mogħtija f’kW;

(29)

“koeffiċjent staġonali tal-prestazzjoni” (SCOP) jew “proporzjon staġonali tal-enerġija primarja” (SPER) tfisser il-koeffiċjent kumplessiv tal-prestazzjoni ta’ ħiter tal-post b’pompa tas-sħana jew ta’ ħiter ikkombinat b’pompa tas-sħana li jaħdem bl-elettriku jew il-proporzjon kumplessiv tal-enerġija primarja ta’ ħiter tal-post b’pompa tas-sħana jew ta’ ħiter ikkombinat b’pompa tas-sħana li jaħdem bil-fjuwil, li jkun rappreżentattiv għall-istaġun tat-tisħin speċifikat u jkun ikkalkulat bħala d-domanda annwali ta’ referenza għat-tisħin diviża bil-konsum annwali tal-enerġija;

(30)

“domanda annwali ta’ referenza għat-tisħin” (QH ) tfisser id-domanda ta’ referenza għat-tisħin għal staġun tat-tisħin speċifikat li għandha tintuża bħala l-bażi għall-kalkolu tal-valuri ta’ SCOP jew SPER u li tiġi kkalkulata billi t-tagħbija tad-disinn għat-tisħin tiġi mmultiplikata bis-sigħat annwali ekwivalenti fil-modalità attiva, mogħtija f’kWh;

(31)

“sigħat annwali ekwivalenti fil-modalità attiva” (HHE ) tfisser l-għadd annwali presuppost ta’ sigħat li ħiter tal-post b’pompa tas-sħana jew li ħiter ikkombinat b’pompa tas-sħana jrid jipprovdi lit-tagħbija tad-disinn għat-tisħin biex jissodisfa d-domanda annwali ta’ referenza għat-tisħin, mogħti f’sigħat;

(32)

“koeffiċjent tal-prestazzjoni fil-modalità attiva” (SCOPon ) jew “proporzjon tal-enerġija primarja fil-modalità attiva” (SPERon ) ifissru l-koeffiċjent medju tal-prestazzjoni ta’ ħiter tal-post b’pompa tas-sħana jew ta’ ħiter ikkombinat b’pompa tas-sħana li jaħdem bl-elettriku fil-modalità attiva, jew il-proporzjon medju tal-enerġija primarja ta’ ħiter tal-post b’pompa tas-sħana jew ta’ ħiter ikkombinat b’pompa tas-sħana li jaħdem bil-fjuwil fil-modalità attiva għall-istaġun tat-tisħin speċifikat;

(33)

“kapaċità supplimentari tat-tisħin” (sup(Tj)) tfisser il-potenza termika nominali (Psup), mogħtija f’kW, ta’ ħiter supplimentari li jissupplimenta l-kapaċità tat-tisħin iddikjarata sabiex tintlaħaq it-tagħbija parzjali għat-tisħin, f’każ li l-kapaċità tat-tisħin iddikjarata tkun inqas mit-tagħbija parzjali għat-tisħin;

(34)

“koeffiċjent tal-prestazzjoni speċifikat għall-intervall ta’ temperaturi” (COPbin(Tj)) jew “proporzjon tal-enerġija primarja speċifikat għall-intervall ta’ temperaturi” (PERbin(Tj)) tfisser il-koeffiċjent tal-prestazzjoni ta’ ħiter tal-post b’pompa tas-sħana jew ta’ ħiter ikkombinat b’pompa tas-sħana li jaħdem bl-elettriku jew il-proporzjon tal-enerġija primarja ta’ ħiter tal-post b’pompa tas-sħana jew ta’ ħiter ikkombinat b’pompa tas-sħana li jaħdem bil-fjuwil għal kull intervall ta’ temperaturi fi staġun, li jiġi mit-tagħbija parzjali għat-tisħin, mill-kapaċità tat-tisħin iddikjarata u mill-koeffiċjent iddikjarat tal-prestazzjoni għal intervalli ta’ temperaturi partikulari u jiġi kkalkulat permezz tal-interpolazzjoni jew tal-estrapolazzjoni għal intervalli ta’ temperaturi oħrajn, u kkoreġut, f’każ li jkun hemm bżonn, permezz tal-koeffiċjent ta’ degradazzjoni;

(35)

“kapaċità tat-tisħin iddikjarata” (Pdh(Tj)) tfisser il-kapaċità tat-tisħin, mogħtija f’kW, li ħiter tal-post b’pompa tas-sħana jew ħiter ikkombinat b’pompa tas-sħana jista’ jipprovdi f’temperatura partikulari ta’ barra;

(36)

“kontroll tal-kapaċità” tfisser il-ħila ta’ ħiter tal-post b’pompa tas-sħana jew ta’ ħiter ikkombinat b’pompa tas-sħana li jibdel il-kapaċità tiegħu billi jbiddel ir-rata tal-fluss volumetriku ta’ mill-inqas wieħed mil-likwidi meħtieġa biex jitħaddem iċ-ċiklu ta’ refriġerazzjoni. Dan għandu jiġi mmarkat bħala “fiss” jekk ir-rata tal-fluss volumetriku ma tistax tinbidel jew bħala “varjabbli” jekk ir-rata tal-fluss volumetriku tinbidel jew tvarja f’sensiela ta’ żewġ stadji jew iktar;

(37)

“tagħbija tad-disinn għat-tisħin” (Pdesignh) tfisser il-potenza termika nominali (Prated), mogħtija f’kW, ta’ ħiter tal-post b’pompa tas-sħana jew ta’ ħiter ikkombinat b’pompa tas-sħana fit-temperatura ta’ referenza tad-disinn, fejn it-tagħbija tad-disinn għat-tisħin tkun daqs it-tagħbija parzjali għat-tisħin u t-temperatura ta’ barra tkun daqs it-temperatura ta’ referenza tad-disinn;

(38)

“koeffiċjent iddikjarat tal-prestazzjoni” (COPd(Tj)) jew “proporzjon iddikjarat tal-enerġija primarja” (PERd(Tj)) tfisser il-koeffiċjent tal-prestazzjoni jew il-proporzjon tal-enerġija primarja f’għadd limitat ta’ intervalli ta’ temperaturi partikulari;

(39)

“temperatura bivalenti” (Tbiv ) tfisser it-temperatura ta’ barra ddikjarata mill-fornitur għat-tisħin, mogħtija fi gradi Celsius, li fiha l-kapaċità tat-tisħin iddikjarata tkun daqs it-tagħbija parzjali għat-tisħin u li f’temperaturi inqas minnha l-kapaċità tat-tisħin iddikjarata tkun teħtieġ kapaċità supplimentari tat-tisħin sabiex tintlaħaq it-tagħbija parzjali għat-tisħin;

(40)

“temperatura tal-limitu tat-tħaddim” (TOL) tfisser it-temperatura ta’ barra ddikjarata mill-fornitur għat-tisħin, mogħtija fi gradi Celsius, li f’temperaturi inqas minnha ħiter tal-post b’pompa tas-sħana arja-ilma jew ħiter ikkombinat b’pompa tas-sħana arja-ilma ma jkun jista’ jwassal l-ebda kapaċità tat-tisħin u l-kapaċità tat-tisħin iddikjarata tkun ta’ żero;

(41)

“temperatura limitu tat-tħaddim għall-ilma tat-tisħin” (WTOL) tfisser it-temperatura tal-ħruġ tal-ilma ddikjarata mill-fornitur għat-tisħin, mogħtija fi gradi Celsius, li f’temperaturi ogħla minnha ħiter tal-post b’pompa tas-sħana jew ħiter ikkombinat b’pompa tas-sħana ma jkun jista’ jwassal l-ebda kapaċità tat-tisħin u l-kapaċità tat-tisħin iddikjarata tkun ta’ żero;

(42)

“kapaċità tal-intervall ċikliku għat-tisħin” (Pcych) tfisser il-kapaċità tat-tisħin integrata tul l-intervall ċikliku tat-test għat-tisħin, mogħtija f’kW;

(43)

“l-effiċjenza tal-intervall ċikliku” (COPcyc jew PERcyc) tfisser il-koeffiċjent medju tal-prestazzjoni jew il-proporzjon medju tal-enerġija primarja tul l-intervall ċikliku tat-test, ikkalkulat billi l-kapaċità tat-tisħin integrata tul l-intervall, mogħtija f’kWh, tiġi diviża bil-kontribut tal-enerġija integrat tul dak l-istess intervall, mogħti f’kWh f’termini tal-GCV u/jew f’kWh f’termini tal-enerġija finali mmultiplikata bil-valur ta’ CC;

(44)

“koeffiċjent ta’ degradazzjoni” (Cdh) tfisser il-kejl tal-effiċjenza mitlufa minħabba ċ-ċikli ta’ ħiter tal-post b’pompa tas-sħana jew ta’ ħiter ikkombinat b’pompa tas-sħana; jekk dan il-koeffiċjent ma jiġix stabbilit bil-kejl, b’mod awtomatiku jitqies li huwa ta’ Cdh = 0.9;

(45)

“modalità attiva” tfisser il-kundizzjoni li tikkorrispondi għas-sigħat b’tagħbija tat-tisħin għall-post magħluq u b’funzjoni attivata tat-tisħin; din il-kundizzjoni tista’ tinvolvi ċikli tal-ħiter tal-post b’pompa tas-sħana jew tal-ħiter ikkombinat b’pompa tas-sħana sabiex tintlaħaq jew tinżamm it-temperatura tal-arja ta’ ġewwa meħtieġa;

(46)

“modalità Mitfi” tfisser kundizzjoni li fiha l-ħiter tal-post b’pompa tas-sħana jew il-ħiter ikkombinat b’pompa tas-sħana jkun imqabbad mal-mejnijiet imma ma jkun qed jipprovdi l-ebda funzjoni, inklużi kundizzjonijiet li jipprovdu biss indikazzjoni ta’ kundizzjoni ta’ modalità Mitfi, kif ukoll kundizzjonijiet li jipprovdu biss funzjonijiet maħsuba biex jiżguraw il-kompatibbiltà elettromanjetika skont id-Direttiva 2004/108/KE tal-Parlament Ewropew u tal-Kunsill (2);

(47)

“modalità bit-termostat mitfi” tfisser il-kundizzjoni li tikkorrispondi għas-sigħat mingħajr tagħbija tat-tisħin u b’funzjoni attivata tat-tisħin, fejn il-funzjoni tat-tisħin tkun mixgħula imma l-ħiter tal-post b’pompa tas-sħana jew il-ħiter ikkombinat b’pompa tas-sħana ma jkunx qed jaħdem; iċ-ċikli fil-modalità attiva mhumiex meqjusa bħala modalità bit-termostat mitfi;

(48)

“modalità tal-ħiter tal-kisi tal-krank” tfisser kundizzjoni li fiha jiġi attivat apparat għat-tisħin sabiex jiġi evitat li r-refriġerant jgħaddi għal ġol-kompressur biex tiġi llimitata l-konċentrazzjoni tar-refriġerant fiż-żejt malli jitqabbad il-kompressur;

(49)

“konsum tal-enerġija fil-modalità Mitfi” (POFF ) tfisser il-konsum tal-enerġija ta’ ħiter tal-post b’pompa tas-sħana jew ta’ ħiter ikkombinat b’pompa tas-sħana li jkun fil-modalità Mitfi, mogħti f’kW;

(50)

“konsum tal-enerġija fil-modalità bit-termostat mitfi” (PTO ) tfisser il-konsum tal-enerġija ta’ ħiter tal-post b’pompa tas-sħana jew ta’ ħiter ikkombinat b’pompa tas-sħana waqt li jkun fil-modalità bit-termostat mitfi, mogħti f’kW;

(51)

“konsum tal-enerġija fil-modalità tal-ħiter tal-kisi tal-krank” (PCK ) tfisser il-konsum tal-enerġija ta’ ħiter tal-post b’pompa tas-sħana jew ta’ ħiter ikkombinat b’pompa tas-sħana waqt li jkun fil-modalità tal-ħiter tal-kisi tal-krank, mogħti f’kW;

(52)

“pompa tas-sħana b’temperatura baxxa” tfisser ħiter tal-post b’pompa tas-sħana li jkun iddisinjat b’mod speċifiku għal applikazzjoni b’temperatura baxxa, u li ma jistax jipprovdi ilma għat-tisħin b’temperatura tal-ħruġ ta’ 52 °C f’temperatura tad-dħul b’termometru niexef ta’ – 7 °C (jew ta’ – 8 °C b’termometru umdu) fil-kundizzjonijiet ta’ referenza tad-disinn għal klima medja;

(53)

“applikazzjoni b’temperatura baxxa” tfisser applikazzjoni li fiha l-ħiter tal-post b’pompa tas-sħana jipprovdi l-kapaċità tat-tisħin iddikjarata tiegħu f’temperatura tal-ħruġ ta’ skambjatur tas-sħana li jkun jinsab fuq ġewwa ta’ 35 °C;

(54)

“applikazzjoni b’temperatura medja” tfisser applikazzjoni li fiha l-ħiter tal-post b’pompa tas-sħana jew il-ħiter ikkombinat b’pompa tas-sħana jipprovdi l-kapaċità tat-tisħin iddikjarata tiegħu f’temperatura tal-ħruġ ta’ skambjatur tas-sħana li jkun jinsab fuq ġewwa ta’ 55 °C;

(55)

“profil tat-tagħbija” tfisser sekwenza partikulari ta’ estrazzjonijiet mill-ilma, kif speċifikat fit-Tabella 15 mogħtija fl-Anness VII; kull ħiter ikkombinat ikun jikkorrispondi tal-inqas ma’ profil tat-tagħbija wieħed;

(56)

“estrazzjoni mill-ilma” tfisser kombinazzjoni partikulari ta’ rata tal-fluss tal-ilma utli, ta’ temperatura utli tal-ilma, ta’ kontenut ta’ enerġija utli u tal-ogħla temperatura, kif speċifikat fit-Tabella 15 mogħtija fl-Anness VII;

(57)

“rata tal-fluss tal-ilma utli” (f) tfisser ir-rata minima ta’ fluss, mogħtija f’litri għal kull minuta, li għaliha l-misħun ikun qed jikkontribwixxi għall-enerġija ta’ referenza, kif speċifikat fit-Tabella 15 mogħtija fl-Anness VII;

(58)

“temperatura utli tal-ilma” (Tm ) tfisser it-temperatura tal-ilma, mogħtija fi gradi Celsius, li fiha l-misħun jibda jikkontribwixxi għall-enerġija ta’ referenza, kif speċifikat fit-Tabella 15 mogħtija fl-Anness VII;

(59)

“kontenut ta’ enerġija utli” (Qtap ) tfisser il-kontenut tal-enerġija tal-misħun, mogħti f’kWh, ipprovdut f’temperatura li tkun daqs it-temperatura utli tal-ilma jew ogħla minnha, u f’rati ta’ fluss tal-ilma li jkunu daqs ir-rata tal-fluss tal-ilma utli jew ogħla minnha, kif speċifikat fit-Tabella 15 mogħtija fl-Anness VII;

(60)

“kontenut tal-enerġija tal-misħun” tfisser il-prodott tal-kapaċità termika speċifika tal-ilma, id-differenza medja fit-temperatura bejn dik tal-misħun li jkun qed jiġi prodott u dik tal-ilma kiesaħ li jkun dieħel, u l-massa totali tal-misħun prodott;

(61)

“l-ogħla temperatura” (Tp ) tfisser it-temperatura minima tal-ilma, mogħtija fi gradi Celsius, li għandha tinkiseb waqt l-estrazzjonijiet mill-ilma, kif speċifikat fit-Tabella 15 mogħtija fl-Anness VII;

(62)

“enerġija ta’ referenza” (Qref ) tfisser is-somma tal-kontenut ta’ enerġija utli tal-estrazzjonijiet mill-ilma, mogħti f’kWh, fi profil tat-tagħbija partikulari, kif speċifikat fit-Tabella 15 mogħtija fl-Anness VII;

(63)

“il-profil massimu tat-tagħbija” tfisser il-profil tat-tagħbija li jkollu l-enerġija massima ta’ referenza li ħiter ikkombinat jkun jista’ jipprovdi filwaqt li jissodisfa l-kundizzjonijiet tat-temperatura u tar-rata ta’ fluss ta’ dan il-profil tat-tagħbija;

(64)

“il-profil tat-tagħbija ddikjarat” tfisser il-profil tat-tagħbija li jiġi applikat meta tkun qed tiġi kkalkulata l-effiċjenza enerġetika tat-tisħin tal-ilma;

(65)

“konsum ta’ kuljum tal-elettriku” (Qelec ) tfisser il-konsum tal-elettriku għat-tisħin tal-ilma matul 24 siegħa konsekuttivi, mogħti f’kWh f’termini tal-enerġija finali, meta jintuża l-profil tat-tagħbija ddikjarat;

(66)

“konsum ta’ kuljum tal-fjuwil” (Qfuel ) tfisser il-konsum tal-fjuwil għat-tisħin tal-ilma matul 24 siegħa konsekuttivi, mogħti f’kWh f’termini tal-GCV u f’GJ f’termini tal-GCV għall-għanijiet tal-punt 5(f) tal-Anness VII, meta jintuża l-profil tat-tagħbija ddikjarat;

(67)

“konsum annwali tal-elettriku” (AEC) tfisser il-konsum annwali tal-elettriku ta’ ħiter ikkombinat għat-tisħin tal-ilma meta jintuża l-profil tat-tagħbija ddikjarat u jkun hemm kundizzjonijiet klimatiċi partikulari, mogħti f’kWh f’termini tal-enerġija finali;

(68)

“konsum annwali tal-fjuwil” (AFC) tfisser il-konsum annwali tal-fjuwils fossili u/jew tal-fjuwils tal-bijomassa ta’ ħiter ikkombinat għat-tisħin tal-ilma meta jintuża l-profil tat-tagħbija ddikjarat u jkun hemm kundizzjonijiet klimatiċi partikulari, mogħti f’GJ f’termini tal-GCV;

(69)

“kontribut annwali ta’ tisħin li mhux solari” (Qnonsol ) tfisser il-kontribut annwali tal-elettriku (mogħti f’kWh f’termini tal-enerġija primarja) u/jew tal-fjuwils (mogħti f’kWh f’termini tal-GCV) għall-produzzjoni tas-sħana utli ta’ pakkett magħmul minn ħiter ikkombinat u regolatur tat-temperatura, filwaqt li jitqies l-ammont ta’ sħana maqbuda mill-kollettur solari fis-sena u t-telf tas-sħana tat-tank tal-misħun solari;

(70)

“erja ta’ apertura tal-kollettur” (Asol ), li qed tissejjaħ “daqs tal-kollettur” għall-għanijiet tal-Figuri 1 sa 4 fl-Anness IV, tfisser l-erja massima pprojettata li minnha r-radjazzjoni solari mhix ikkonċentrata tidħol fil-kollettur, mogħtija f’metri kwadri;

(71)

“l-effiċjenza tal-kollettur” (ηcol ) tfisser l-effiċjenza tal-kollettur solari meta jkun hemm differenza ta’ 40 K fit-temperatura tal-kollettur solari meta mqabbla ma’ dik tal-arja ta’ madwaru u meta jkun hemm irradjanza solari globali ta’ 1 000 W/m2, mogħtija bħala perċentwali;

(72)

“telf kostanti” (S) tfisser il-potenza termika mitlufa minn tank tal-misħun solari f’ċerti temperaturi partikulari tal-ilma u tal-ambjent, mogħtija f’W;

(73)

“volum tal-ħżin” (V), li qed jissejjaħ “volum tat-tank” għall-għanijiet tal-Figuri 1 sa 4 fl-Anness IV, tfisser il-volum nominali ta’ tank tal-misħun solari, mogħti f’litri jew f’metri kubi;

(74)

“il-konsum tal-elettriku awżiljarju” (Qaux ), li qed jissejjaħ “l-elettriku awżiljarju” għall-għanijiet tal-Figura 5 fl-Anness IV, tfisser il-konsum annwali tal-elettriku, mogħti f’kWh f’termini tal-enerġija finali, ta’ sistema esklużivament solari, li ġej mill-konsum tal-enerġija tal-pompa u mill-konsum tal-enerġija fil-modalità Stennija;

(75)

“konsum tal-enerġija tal-pompa” (solpump) tfisser il-konsum nominali tal-enerġija elettrika tal-pompa fis-sistema ċirkolari tal-kollettur ta’ sistema esklużivament solari, mogħti f’W;

(76)

“konsum tal-enerġija fil-modalità Stennija” (solstandby) tfisser il-konsum nominali tal-enerġija elettrika ta’ sistema esklużivament solari meta l-pompa u l-ġeneratur tas-sħana ma jkunux attivi, mogħti f’W;

(77)

“kundizzjonijiet klimatiċi medji”, “kundizzjonijiet klimatiċi iksaħ” u “kundizzjonijiet klimatiċi isħan” ifissru t-temperaturi u l-kundizzjonijiet ta’ irradjanza solari globali li huma tipiċi għall-bliet ta’ Strasburgu, Ħelsinki u Ateni, rispettivament;

(78)

“identifikatur tal-mudell” tfisser il-kodiċi, ġeneralment alfanumeriku, li jiddistingwi mudell speċifiku ta’ ħiter tal-post, ta’ ħiter ikkombinat, ta’ regolatur tat-temperatura, ta’ apparat solari ta’ pakkett magħmul minn ħiter tal-post, minn regolatur tat-temperatura u minn apparat solari, jew -ta’ pakkett magħmul minn ħiter ikkombinat, minn regolatur tat-temperatura u minn apparat solari minn mudelli oħrajn tal-istess marka kummerċjali jew bl-isem tal-istess fornitur jew tal-istess bejjiegħ.

I.

isem il-fornitur jew il-marka kummerċjali tiegħu;

II.

l-identifikatur tal-mudell tal-fornitur;

III.

il-funzjoni tat-tisħin tal-post;

IV.

il-klassi tal-effiċjenza enerġetika staġonali tat-tisħin tal-post stabbilita skont il-punt 1 tal-Anness II; it-tarf tal-vleġġa li fiha tidher il-klassi tal-effiċjenza enerġetika staġonali tat-tisħin tal-post tal-ħiter tal-post b’bojler għandu jitqiegħed fl-istess livell bħat-tarf tal-vleġġa li fiha tidher il-klassi tal-effiċjenza enerġetika rilevanti;

V.

il-potenza termika nominali f’kW, imqarrba għall-eqreb numru sħiħ;

VI.

il-livell ta’ qawwa tal-ħoss LWA , fuq ġewwa, f’dB, imqarreb għall-eqreb numru sħiħ.

I.

isem il-fornitur jew il-marka kummerċjali tiegħu;

II.

l-identifikatur tal-mudell tal-fornitur;

III.

il-funzjoni tat-tisħin tal-post;

IV.

il-klassi tal-effiċjenza enerġetika staġonali tat-tisħin tal-post stabbilita skont il-punt 1 tal-Anness II; it-tarf tal-vleġġa li fiha tidher il-klassi tal-effiċjenza enerġetika staġonali tat-tisħin tal-post tal-ħiter tal-post b’koġenerazzjoni għandu jitqiegħed fl-istess livell bħat-tarf tal-vleġġa li fiha tidher il-klassi tal-effiċjenza enerġetika rilevanti;

V.

il-potenza termika nominali f’kW, inkluża l-potenza termika nominali ta’ kwalunkwe ħiter supplimentari, imqarrba għall-eqreb numru sħiħ;

VI.

il-livell ta’ qawwa tal-ħoss LWA , fuq ġewwa, f’dB, imqarreb għall-eqreb numru sħiħ;

VII.

il-funzjoni addizzjonali ta’ ġenerazzjoni tal-elettriku.

I.

isem il-fornitur jew il-marka kummerċjali tiegħu;

II.

l-identifikatur tal-mudell tal-fornitur;

III.

il-funzjoni tat-tisħin tal-post għal applikazzjoni b’temperatura medja u applikazzjoni b’temperatura baxxa rispettivament;

IV.

il-klassi tal-effiċjenza enerġetika staġonali tat-tisħin tal-post f’kundizzjonijiet klimatiċi medji għal applikazzjoni b’temperatura medja u applikazzjoni b’temperatura baxxa rispettivament, stabbilita skont il-punt 1 tal-Anness II; it-tarf tal-vleġġa li fiha tidher il-klassi tal-effiċjenza enerġetika staġonali tat-tisħin tal-post tal-ħiter tal-post b’pompa tas-sħana għal applikazzjoni b’temperatura medja u għal applikazzjoni b’temperatura baxxa rispettivament, għandu jitqiegħed fl-istess livell bħat-tarf tal-vleġġa li fiha tidher il-klassi tal-effiċjenza enerġetika rilevanti;

V.

il-potenza termika nominali f’kW, inkluża l-potenza termika nominali ta’ kwalunkwe ħiter supplimentari, f’kundizzjonijiet klimatiċi medji u iksaħ u isħan, għal applikazzjoni b’temperatura medja u għal applikazzjoni b’temperatura baxxa rispettivament, imqarrba għall-eqreb numru sħiħ;

VI.

mappa tat-temperaturi fl-Ewropa li turi tliet żoni indikattivi tat-temperatura;

VII.

il-livell ta’ qawwa tal-ħoss LWA , fuq ġewwa (jekk ikun japplika) u fuq barra, f’dB, imqarreb għall-eqreb numru sħiħ.

I.

isem il-fornitur jew il-marka kummerċjali tiegħu;

II.

l-identifikatur tal-mudell tal-fornitur;

III.

il-funzjoni tat-tisħin tal-post għal applikazzjoni b’temperatura baxxa;

IV.

il-klassi tal-effiċjenza enerġetika staġonali tat-tisħin tal-post f’kundizzjonijiet klimatiċi medji, stabbilita skont il-punt 1 tal-Anness II; it-tarf tal-vleġġa li fiha tidher il-klassi tal-effiċjenza enerġetika staġonali tat-tisħin tal-post tal-pompa tas-sħana b’temperatura baxxa għandu jitqiegħed fl-istess livell bħat-tarf tal-vleġġa li fiha tidher il-klassi tal-effiċjenza enerġetika rilevanti;

V.

il-potenza termika nominali f’kW, inkluża l-potenza termika nominali ta’ kwalunkwe ħiter supplimentari, f’kundizzjonijiet klimatiċi medji u iksaħ u isħan, imqarrba għall-eqreb numru sħiħ;

VI.

mappa tat-temperaturi fl-Ewropa li turi tliet żoni indikattivi tat-temperatura;

VII.

il-livell ta’ qawwa tal-ħoss LWA , fuq ġewwa (jekk ikun japplika) u fuq barra, f’dB, imqarreb għall-eqreb numru sħiħ.

I.

isem il-fornitur jew il-marka kummerċjali tiegħu;

II.

l-identifikatur tal-mudell tal-fornitur;

III.

il-funzjoni tat-tisħin tal-post u l-funzjoni tat-tisħin tal-ilma, inkluż il-profil tat-tagħbija ddikjarat, indikat bl-ittra xierqa skont it-Tabella 15 tal-Anness VII;

IV.

il-klassi tal-effiċjenza enerġetika staġonali tat-tisħin tal-post u l-klassi tal-effiċjenza enerġetika għat-tisħin tal-ilma, stabbiliti skont il-punti 1 u 2 tal-Anness II; it-truf tal-vleġeġ li fihom jidhru l-klassi tal-effiċjenza enerġetika staġonali tat-tisħin tal-post u l-klassi tal-effiċjenza enerġetika għat-tisħin tal-ilma tal-ħiter ikkombinat b’bojler għandhom jitqegħdu fl-istess livell bħat-tarf tal-vleġġa li fiha tidher il-klassi tal-effiċjenza enerġetika rilevanti;

V.

il-potenza termika nominali f’kW, imqarrba għall-eqreb numru sħiħ;

VI.

il-livell ta’ qawwa tal-ħoss LWA , fuq ġewwa, f’dB, imqarreb għall-eqreb numru sħiħ;

VII.

għall-ħiters ikkombinati b’bojler li kapaċi jaħdmu biss fis-sigħat kwieti, tista’ tiżdied il-pittogramma msemmija fil-punt 9(d)(11) ta’ dan l-Anness.

I.

isem il-fornitur jew il-marka kummerċjali tiegħu;

II.

l-identifikatur tal-mudell tal-fornitur;

III.

il-funzjoni tat-tisħin tal-post għal applikazzjoni b’temperatura medja u l-funzjoni tat-tisħin tal-ilma, inkluż il-profil tat-tagħbija ddikjarat, indikat bl-ittra xierqa skont it-Tabella 15 tal-Anness VII;

IV.

il-klassi tal-effiċjenza enerġetika staġonali tat-tisħin tal-post f’kundizzjonijiet klimatiċi medji għal applikazzjoni b’temperatura medja u l-klassi tal-effiċjenza enerġetika għat-tisħin tal-ilma f’kundizzjonijiet klimatiċi medji, stabbiliti skont il-punti 1 u 2 tal-Anness II; it-truf tal-vleġeġ li fihom jidhru l-klassi tal-effiċjenza enerġetika staġonali tat-tisħin tal-post u l-klassi tal-effiċjenza enerġetika għat-tisħin tal-ilma tal-ħiter ikkombinat b’pompa tas-sħana għandhom jitqegħdu fl-istess livell bħat-tarf tal-vleġġa li fiha tidher il-klassi tal-effiċjenza enerġetika rilevanti;

V.

il-potenza termika nominali f’kW, inkluża l-potenza termika nominali ta’ kwalunkwe ħiter supplimentari, f’kundizzjonijiet klimatiċi medji u iksaħ u isħan, imqarrba għall-eqreb numru sħiħ;

VI.

mappa tat-temperaturi fl-Ewropa li turi tliet żoni indikattivi tat-temperatura;

VII.

il-livell ta’ qawwa tal-ħoss LWA , fuq ġewwa (jekk ikun japplika) u fuq barra, f’dB, imqarreb għall-eqreb numru sħiħ;

VIII.

għall-ħiters ikkombinati b’pompa tas-sħana li kapaċi jaħdmu biss fis-sigħat kwieti, tista’ tiżdied il-pittogramma msemmija fil-punt 10(d)(12) ta’ dan l-Anness.

I.

isem il-bejjiegħ u/jew il-fornitur jew il-marka kummerċjali tieġħu;

II.

l-identifikatur tal-mudell(i) tal-bejjiegħ u/jew tal-fornitur;

III.

il-funzjoni tat-tisħin;

IV.

il-klassi tal-effiċjenza enerġetika staġonali tat-tisħin tal-post tal-ħiter tal-post, stabbilita skont il-punt 1 tal-Anness II;

V.

indikazzjoni dwar jekk kollettur solari, tank tal-misħun, regolatur tat-temperatura u/jew ħiter tal-post supplimentari jistgħux jiġu inklużi fil-pakkett magħmul minn ħiter tal-post, minn regolatur tat-temperatura u minn apparat solari jew le;

VI.

il-klassi tal-effiċjenza enerġetika staġonali tat-tisħin tal-post tal-pakkett magħmul minn ħiter tal-post, minn regolatur tat-temperatura u minn apparat solari, stabbilita skont il-punt 5 tal-Anness IV; it-tarf tal-vleġġa li fiha tidher il-klassi tal-effiċjenza enerġetika staġonali tat-tisħin tal-post tal-pakkett magħmul minn ħiter tal-post, minn regolatur tat-temperatura u minn apparat solari għandu jitqiegħed fl-istess livell bħat-tarf tal-vleġġa li fiha tidher il-klassi tal-effiċjenza enerġetika rilevanti.

I.

isem il-bejjiegħ u/jew il-fornitur jew il-marka kummerċjali tieġħu;

II.

l-identifikatur tal-mudell(i) tal-bejjiegħ u/jew tal-fornitur;

III.

il-funzjoni tat-tisħin tal-post u l-funzjoni tat-tisħin tal-ilma, inkluż il-profil tat-tagħbija, indikat b-ittra xierqa skont it-Tabella 15 tal-Anness VII;

IV.

il-klassijiet tal-effiċjenza enerġetika staġonali tat-tisħin tal-post u tal-effiċjenza enerġetika għat-tisħin tal-ilma tal-ħiter ikkombinat, stabbiliti skont il-punti 1 u 2 tal-Anness II;

V.

indikazzjoni dwar jekk kollettur solari, tank tal-misħun, regolatur tat-temperatura u/jew ħiter supplimentari jistgħux jiġu inklużi fil-pakkett magħmul minn ħiter ikkombinat, minn regolatur tat-temperatura u minn apparat solari jew le;

VI.

il-klassi tal-effiċjenza enerġetika staġonali tat-tisħin tal-post tal-pakkett magħmul minn ħiter ikkombinat, minn regolatur tat-temperatura u minn apparat solari, stabbilita skont il-punt 6 tal-Anness IV; it-tarf tal-vleġġa li fiha tidher il-klassi tal-effiċjenza enerġetika staġonali tat-tisħin tal-post tal-pakkett magħmul minn ħiter ikkombinat, minn regolatur tat-temperatura u minn apparat solari għandu jitqiegħed fl-istess livell bħat-tarf tal-vleġġa li fiha tidher il-klassi tal-effiċjenza enerġetika rilevanti;

VII.

il-klassi tal-effiċjenza enerġetika għat-tisħin tal-ilma tal-pakkett magħmul minn ħiter ikkombinat, minn regolatur tat-temperatura u minn apparat solari, stabbilita skont il-punt 6 tal-Anness IV; it-tarf tal-vleġġa li fiha tidher il-klassi tal-effiċjenza enerġetika għat-tisħin tal-ilma tal-pakkett magħmul minn ħiter ikkombinat, minn regolatur tat-temperatura u minn apparat solari għandu jitqiegħed fl-istess livell bħat-tarf tal-vleġġa li fiha tidher il-klassi tal-effiċjenza enerġetika rilevanti.

Il-linja tal-bordura tat-tikketta tal-UE: 4 pt, kulur: blu jagħti fl-aħdar 100 %, kantunieri fit-tond: 3.5 millimetri.

Il-lowgo tal-UE: Kuluri: X-80-00-00 u 00-00-X-00.

It-tikketta tal-enerġija: Kulur: X-00-00-00. Pittogramma kif murija: il-lowgo tal-UE + it-tikketta tal-enerġija: wisa’: 86 millimetru, għoli: 17-il millimetru.

Il-linja tal-bordura tal-lowgos iż-żgħar: 1 pt, kulur: blu jagħti fl-aħdar 100 %, tul: 86 millimetru.

Il-funzjoni tat-tisħin tal-post:

L-iskala li tmur minn A++ sa G u dik li tmur minn A+++ sa D rispettivament:

Il-klassi tal-effiċjenza enerġetika staġonali tat-tisħin tal-post:

Il-livell ta’ qawwa tal-ħoss, fuq ġewwa:

Il-potenza termika nominali:

Is-sena li fiha ddaħħlet it-tikketta u n-numru tar-Regolament:

Isem il-fornitur jew il-marka kummerċjali tiegħu.

L-identifikatur tal-mudell tal-fornitur:

Isem il-fornitur jew il-marka kummerċjali tiegħu u l-identifikatur tal-mudell għandhom joqogħdu fi spazju ta’ 86 bi 12-il millimetru.

Il-linja tal-bordura tat-tikketta tal-UE: 4 pt, kulur: blu jagħti fl-aħdar 100 %, kantunieri fit-tond: 3.5 millimetri.

Il-lowgo tal-UE: Kuluri: X-80-00-00 u 00-00-X-00.

It-tikketta tal-enerġija: Kulur: X-00-00-00. Pittogramma kif murija: il-lowgo tal-UE + it-tikketta tal-enerġija: wisa’: 86 millimetru, għoli: 17-il millimetru.

Il-linja tal-bordura tal-lowgos iż-żgħar: 1 pt, kulur: blu jagħti fl-aħdar 100 %, tul: 86 millimetru.

Il-funzjoni tat-tisħin tal-post:

L-iskala li tmur minn A++ sa G u dik li tmur minn A+++ sa D rispettivament:

Il-klassi tal-effiċjenza enerġetika staġonali tat-tisħin tal-post:

Il-livell ta’ qawwa tal-ħoss, fuq ġewwa:

Il-potenza termika nominali:

Il-funzjoni tal-elettriku:

Is-sena li fiha ddaħħlet it-tikketta u n-numru tar-Regolament:

Isem il-fornitur jew il-marka kummerċjali tiegħu.

L-identifikatur tal-mudell tal-fornitur:

Isem il-fornitur jew il-marka kummerċjali tiegħu u l-identifikatur tal-mudell għandhom joqogħdu fi spazju ta’ 86 bi 12-il millimetru.

Il-linja tal-bordura tat-tikketta tal-UE: 4 pt, kulur: blu jagħti fl-aħdar 100 %, kantunieri fit-tond: 3.5 millimetri.

Il-lowgo tal-UE: Kuluri: X-80-00-00 u 00-00-X-00.

It-tikketta tal-enerġija: Kulur: X-00-00-00. Pittogramma kif murija: il-lowgo tal-UE + it-tikketta tal-enerġija: wisa’: 86 millimetru, għoli: 17-il millimetru.

Il-linja tal-bordura tal-lowgos iż-żgħar: 1 pt, kulur: blu jagħti fl-aħdar 100 %, tul: 86 millimetru.

Il-funzjoni tat-tisħin tal-post:

Applikazzjoni b’temperatura medja u temeratura baxxa:

L-iskala li tmur minn A++ sa G u dik li tmur minn A+++ sa D rispettivament:

Il-klassi tal-effiċjenza enerġetika staġonali tat-tisħin tal-post:

Il-livell ta’ qawwa tal-ħoss, fuq ġewwa (jekk ikun japplika) u fuq barra:

Il-potenza termika nominali:

Mappa tat-temperaturi fl-Ewropa u kaxxi kkuluriti:

Is-sena li fiha ddaħħlet it-tikketta u n-numru tar-Regolament:

Isem il-fornitur jew il-marka kummerċjali tiegħu.

L-identifikatur tal-mudell tal-fornitur:

Isem il-fornitur jew il-marka kummerċjali tiegħu u l-identifikatur tal-mudell għandhom joqogħdu fi spazju ta’ 86 bi 12-il millimetru.

Il-linja tal-bordura tat-tikketta tal-UE: 4 pt, kulur: blu jagħti fl-aħdar 100 %, kantunieri fit-tond: 3.5 millimetri.

Il-lowgo tal-UE: Kuluri: X-80-00-00 u 00-00-X-00.

It-tikketta tal-enerġija: Kulur: X-00-00-00. Pittogramma kif murija: il-lowgo tal-UE + it-tikketta tal-enerġija: wisa’: 86 millimetru, għoli: 17-il millimetru.

Il-linja tal-bordura tal-lowgos iż-żgħar: 1 pt, kulur: blu jagħti fl-aħdar 100 %, tul: 86 millimetru.

Il-funzjoni tat-tisħin tal-post:

Applikazzjoni b’temperatura baxxa:

Il-kliem ‘35 °C’: Calibri tipa normali 14-il pt, 100 % black.

L-iskala li tmur minn A++ sa G u dik li tmur minn A+++ sa D rispettivament:

Il-klassi tal-effiċjenza enerġetika staġonali tat-tisħin tal-post:

Il-livell ta’ qawwa tal-ħoss, fuq ġewwa (jekk ikun japplika) u fuq barra:

Il-potenza termika nominali:

Mappa tat-temperaturi fl-Ewropa u kaxxi kkuluriti:

Is-sena li fiha ddaħħlet it-tikketta u n-numru tar-Regolament:

Isem il-fornitur jew il-marka kummerċjali tiegħu.

L-identifikatur tal-mudell tal-fornitur:

Isem il-fornitur jew il-marka kummerċjali tiegħu u l-identifikatur tal-mudell għandhom joqogħdu fi spazju ta’ 86 bi 12-il millimetru.

Il-linja tal-bordura tat-tikketta tal-UE: 4 pt, kulur: blu jagħti fl-aħdar 100 %, kantunieri fit-tond: 3.5 millimetri.

Il-lowgo tal-UE: Kuluri: X-80-00-00 u 00-00-X-00.

It-tikketta tal-enerġija: Kulur: X-00-00-00. Pittogramma kif murija: il-lowgo tal-UE + it-tikketta tal-enerġija: wisa’: 86 millimetru, għoli: 17-il millimetru.

Il-linja tal-bordura tal-lowgos iż-żgħar: 1 pt, kulur: blu jagħti fl-aħdar 100 %, tul: 86 millimetru.

Il-funzjoni tat-tisħin tal-post:

Il-funzjoni tat-tisħin tal-ilma:

L-iskala li tmur minn A++ sa G u dik li tmur minn A sa G, minn A+++ sa D jew minn A+ sa F rispettivament:

Il-klassijiet tal-effiċjenza enerġetika staġonali tat-tisħin tal-post u tal-effiċjenza enerġetika għat-tisħin tal-ilma:

Il-potenza termika nominali:

Il-livell ta’ qawwa tal-ħoss, fuq ġewwa:

Jekk tkun tapplika, l-idonjetà f’sigħat kwieti:

Is-sena li fiha ddaħħlet it-tikketta u n-numru tar-Regolament:

Isem il-fornitur jew il-marka kummerċjali tiegħu.

L-identifikatur tal-mudell tal-fornitur:

Isem il-fornitur jew il-marka kummerċjali tiegħu u l-identifikatur tal-mudell għandhom joqogħdu fi spazju ta’ 86 bi 12-il millimetru

Il-linja tal-bordura tat-tikketta tal-UE: 4 pt, kulur: blu jagħti fl-aħdar 100 %, kantunieri fit-tond: 3.5 millimetri.

Il-lowgo tal-UE: Kuluri: X-80-00-00 u 00-00-X-00.

It-tikketta tal-enerġija: Kulur: X-00-00-00. Pittogramma kif murija: il-lowgo tal-UE + it-tikketta tal-enerġija: wisa’: 86 millimetru, għoli: 17-il millimetru.

Il-linja tal-bordura tal-lowgos iż-żgħar: 1 pt, kulur: blu jagħti fl-aħdar 100 %, tul: 86 millimetru.

Il-funzjoni tat-tisħin tal-post:

Il-funzjoni tat-tisħin tal-ilma:

L-iskala li tmur minn A++ sa G u dik li tmur minn A sa G, minn A+++ sa D jew minn A+ sa F rispettivament:

Il-klassijiet tal-effiċjenza enerġetika staġonali tat-tisħin tal-post u tal-effiċjenza enerġetika għat-tisħin tal-ilma:

Il-potenza termika nominali:

Mappa tat-temperaturi fl-Ewropa u kaxxi kkuluriti:

Il-livell ta’ qawwa tal-ħoss, fuq ġewwa (jekk ikun japplika) u fuq barra:

Jekk tkun tapplika, l-idonjetà f’sigħat kwieti:

Is-sena li fiha ddaħħlet it-tikketta u n-numru tar-Regolament:

Isem il-fornitur jew il-marka kummerċjali tiegħu.

L-identifikatur tal-mudell tal-fornitur:

Isem il-fornitur jew il-marka kummerċjali tiegħu u l-identifikatur tal-mudell għandhom joqogħdu fi spazju ta’ 86 bi 12-il millimetru.

Il-linja tal-bordura tat-tikketta tal-UE: 6 pt, kulur: blu jagħti fl-aħdar 100 %, kantunieri fit-tond: 3.5 millimetri.

Il-lowgo tal-UE: Kuluri: X-80-00-00 u 00-00-X-00.

It-tikketta tal-enerġija: Kulur: X-00-00-00. Pittogramma kif murija: il-lowgo tal-UE + it-tikketta tal-enerġija: wisa’: 191 millimetru, għoli: 37 millimetru.

Il-linja tal-bordura tal-lowgos iż-żgħar: 2 pt, kulur: blu jagħti fl-aħdar 100 %, tul: 191 millimetru.

Il-funzjoni tat-tisħin tal-post:

Ħiter tal-post:

Il-pakkett b’kollettur solari, b’tank tal-misħun, b’regolatur tat-temperatura u/je ħiter supplimentari: